MAGNIFICAT
Moyo moyo wangu wamtukuza Bwana x2
Na roho yangu inafurahi kwa sababu ya Mungu Mwokozi wangu x2
1. Kwa kuwa amemwangalia kwa huruma/
Mtumishi wake mdogo,*
Hivyo tangu sasa watu wote wataniita mwenye heri.
Kwa kuwa Mwenyezi Mungu amenitendea makuu,*
Jina lake ni takatifu.
2. Huruma yake kwa watu wanaomcha*
Hudumu kizazi hata kizazi.
Amefanya mambo makuu kwa mkono wake:*
Amewatawanya wenye kiburi katika mawazo ya mioyo yao;
3. Amewashusha wenye vyeo kutoka viti vyao vya enzi,*
Akawakweza wanyenyekevu.
Wenye njaa amewashibisha mema,*
Matajiri amewaacha waende mikono mitupu.
4. Amempokea Israeli mtumishi wake,*
Akikumbuka huruma yake,
Kama alivyowaahidia wazee wetu,*
Abrahamu na uzao wake hata milele.
5. Atukuzwe Baba na Mwana na Roho Mtakatifu,*
Kama mwanzo, na sasa, na siku zote, na milele. Amina.