1.Ngao yangu ni neno – Ni neno lake Bwana,
  ni neno la ushindi, ni neno la wokovu
  Ni ushuhuda wangu – Ni neno lake Bwana,Â
  neno nitalitaja, pembe zote za nchi
  Tulihubiri neno, hili neno la Bwana x2
2.Neno la msamaha – Ni neno lake Bwana,
  latutakasa sote, ni neno la uzima
  Tuliamini neno – Ni neno lake Bwana,
  neno latuahidi, uzima wa milele
  Ni neno takatifu, hili neno la Bwana x2
3.Vipofu wanaona – Ni neno lake Bwana,
  neno la uponyaji, neno la miujiza
  Viwete watembea – Ni neno lake Bwana,
  neno la uponyaji, neno la miujiza
  Tulitukuze neno, hili neno la Bwana x2
4.Limejaa hekima – Ni neno lake Bwana,
  neno hili la Yesu, mshauri wa’jabu
  Linalo mafundisho – Ni neno lake Bwana,
  ’tuelekeza kwenye, njia iliyo haki
  Tulisikize neno, hili neno la Bwana x2
5.Neno linatujia – Ni neno lake Bwana,
  leo linatujia, ni neno la baraka
  Linatutia nguvu – Ni neno lake Bwana,
  tuwapo safarini, safari hii ya roho
  Tulieneze neno, hili neno la Bwana x2
  Tulihubiri neno, – Ni neno lake Bwana
  Ni neno takatifu – Ni neno lake Bwana
  Tulitukuze neno – Ni neno lake Bwana,
  Tulisikize neno – Ni neno lake Bwana
  Tulieneze neno – Ni neno lake Bwana x2